قوستاناي وبلىسىندا كوشى-قون قىزمەتىنىڭ ماماندارى رەسپۋبليكالىق ناۋقان شەڭبەرىندە وتكىزگەن رەيدتىك ءىس-شارالار بارىسىندا زاڭ بۇزعان شەتەلدىكتەردى ۇستادى, دەپ جازادى Egemen.kz.
ءساۋىر ايىندا سوت شەشىمىمەن ەلدەن شىعارىلۋعا ءتيىس بولعان كورشى ەلدىڭ ازاماتى سوت شەشىمىن ەلەمەي, جاسىرىنىپ جۇرگەن. ونىڭ بۇرىن دا بىرنەشە مارتە اكىمشىلىك جاۋاپكەرشىلىككە تارتىلعانى بەلگىلى بولعان. كوشى-قون قىزمەتىنىڭ ماماندارى قۇقىق بۇزۋشىنى مەملەكەتتىك شەكاراعا دەيىن شىعارىپ سالدى. ول دەپورتاتسيالاندى جانە زاڭناماعا سايكەس 5 جىل مەرزىمگە ەلگە قايتا كىرۋگە تىيىم سالىندى.
Polisia.kz-ءتىڭ حابارلاۋىنشا كوشى-قون قىزمەتىنىڭ ءۇش كۇندىك جەدەل ءىس-شاراسى بارىسىندا تاعى 2 شەتەلدىك ازامات ەلدەن شىعارىلعان. سونىمەن قاتار, كوشى-قون زاڭناماسىن بۇزۋدىڭ 30-دان استام دەرەگى تىركەلگەن. ونىڭ ىشىندە تىركەۋ مەرزىمىنىڭ ءوتىپ كەتۋى, ۋاقىتشا بولۋ ەرەجەلەرىن ساقتاماۋ جانە ءتيىستى قۇجاتتاردىڭ بولماۋى سياقتى زاڭبۇزۋشىلىقتار بار.